Kabanata 23

Umabot ng kalahating oras bago tumigil si Rhianne sa pag-iyak. Talagang sinubukan ni Keith ang lahat para patigilin ang mga luha niya. Nagpromise pa siya ng maraming bagay kay Rhianne para lang pakalmahin siya, pero wala ring nangyari. Sa huli, si Francis pa ang nagpakalma sa kanya. Lumuwa ang mukha ni Rhianne. Pareho pang namamaga ang mga mata niya. Namumula ang pisngi niya at nanginginig ang labi niya. Paminsan-minsan pa siyang sinisinghap kaya tinulungan siya ni Francis na uminom ng tubig gamit ang straw. Sinong makakakita sa itsura niya ang hindi maaawa sa kanya at automatic na iisipin kung sino ang nang-aaway sa cute, little girl na 'to. Ito ang sitwasyon na unang nakita ni Carmie nang buksan niya ang pinto. Dali-dali siyang tumakbo papalapit sa kanya at tiningnan kung may ibang injury si Rhianne bukod sa mga sugat niya sa tuhod. Nang makatanggap siya ng tawag mula sa isang guro sa kanilang paaralan, agad na kinansela ni Carmie lahat ng appointments niya para sa araw na iyon. Hindi mapapakali si Carmie hangga't hindi niya nakikita ang kanyang anak na okay na. Nang makita ni Rhianne ang kanyang ina, nagkaroon siya ng urge na umiyak ulit. Sensitive pa kasi si Rhianne dahil sa kanyang emosyon. Niyakap niya ang katawan ng kanyang ina at isinubsob ang ulo sa balikat nito. Akala ni Carmie natatakot si Rhianne kaya sinubukan niyang pagaanin ang loob niya sa pagtapik nang marahan sa likod ni Rhianne at sinasabihan siya ng mga nakakagaan ng loob na salita. "Anong nangyari?" tanong ni Carmie kay Francis. "Ahm..." Napatingin si Francis sa kabilang direksyon at sinundan ni Carmie ang kanyang tingin. Nagulat si Carmie nang may nakita pa siyang dalawang tao sa clinic. Ito ay ang kanyang kaibigan na si Danica at ang kanyang anak na si Keith. Hawak ni Danica ang balikat ng kanyang anak habang si Keith ay nakaupo sa sulok at nagbibigay ng mga nerbyosong tingin kay Rhianne. Ikinwento ni Francis ang istorya na narinig niya mula sa isa sa mga guro na pumigil sa away. Nang matapos siyang magsalita, tumingin si Danica sa kanyang anak bago bumuntong-hininga. Sinuklay niya ang kanyang mahahabang daliri sa buhok ng kanyang anak bago tumingin kay Carmie na may paghingi ng tawad na ngiti. Alam niya kung gaano kamahal ng kanyang kaibigan si Rhianne at ayaw ni Danica na magkaroon ng negatibong komento si Carmie sa kanyang anak. "Sa ngalan ng anak ko, gusto kong humingi ng tawad sa nangyari ngayon," sabi ni Danica na may sinserong boses. "Ayos lang, walang kasalanan si Keith sa nangyari ngayon. Hindi ko siya sinisisi. Ang mas mahalaga ay ligtas silang pareho," sabi ni Carmie bago tumingin kay Keith. "Mukha kang namumutla. Dapat ka naming dalhin sa ospital para matingnan ang mga sugat mo." "Hindi, hindi. Okay lang, Tita. Hindi naman masakit. Saka pwede rin namang tignan ni kuya 'yung mga sugat ko mamaya," sabi ni Keith sa mahinang boses. "At..." Habang susubukan ni Keith na tumingin kay Rhianne, sinalubong siya ng pagsimangot ni Rhianne. Alam ni Keith na galit pa rin siya sa kanya, pero hindi niya mapigilang ma-charm sa mga mata niya. May magandang mata si Rhianne. Ang mga mata niya ay nanlalabo at kumikinang dahil sa kanyang luha. Nagbibigay ito ng nakaka-charm na epekto na nagpapadama ng tenderness sa mga tao. Hindi pinansin ni Rhianne si Keith at bumulong sa kanyang ina na gusto na niyang umuwi at magpahinga. Natural lang na sinabi ng kanyang ina na okay at tinulungan siyang tumayo. Nagboluntaryo si Francis na ayusin ang problema nila kaya kailangan niyang manatili sa academy. Nagpalitan ng ilang salita sina Carmie at Danica bago sila naghiwalay. Hanggang sa makasakay si Rhianne sa kanilang kotse, totally na hindi niya pinansin si Keith. Wala siya sa mood na kausapin ang young male lead na 'to. Alam ni Rhianne na bata pa si Keith at maaapektuhan pa rin siya ng mga taong nakapaligid sa kanya. Pero na-trigger talaga siya nang nilait niya ang sarili niya at sinabing mas mabuti pang mamatay siya nang bata pa. Hindi naman talaga galit si Rhianne kay Keith, pero dapat niyang ipaalam sa kanya na mali ang ginawa niya at hayaan siyang mag-reflect sa sarili niyang mga maling ginawa. Natural lang na umalis din ng academy si Keith at ang kanyang ina. Tumahimik si Keith habang nasa biyahe sila sa kotse. Hindi siya nagsalita at nakatikom ang labi niya. Patuloy na sumusulyap si Danica sa kanyang anak. Syempre, nag-aalala siya para sa kanya. Bilang isang ina, pakiramdam niya minsan ay failure siya dahil hindi niya matulungan ang kanyang anak na matanggal ang mga problema nito. Sinisisi niya ang sarili niya dahil hindi siya nagbigay ng sapat na atensyon sa kanyang anak habang lumalaki ito. Naging busy si Danica sa kanilang negosyo kaya minsan ay napapabayaan niya ang kanyang tungkulin bilang isang ina. Kaya nang natanggap niya ang balita noon na binubully si Keith sa school, agad siyang gumawa ng maraming malalaking pagbabago sa kanyang schedule para mas makapag-focus siya sa kanyang sariling pamilya. Habang tahimik na nakatingin sa kanyang anak, napansin niya na nagpapalit-palit si Keith ng hawak sa kanyang phone. Magta-type siya ng ilang salita, pero buburahin din niya. Tapos aksidente niyang nakita ang pangalan ni Rhianne sa screen. Parang sinusubukan ni Keith na humingi ng tawad sa batang babae na 'yun. Kilala na ni Danica si Rhianne mula pa noong bata pa ito. Siya ang pinapahalagang anak ng pamilyang Cartel. Naalala ni Danica ang kanyang unang impresyon nang una niyang nakita si Rhianne. Napakacute niya at may masayahin at palangiting personalidad. Hindi nakapagtataka kung bakit gustong makipagkaibigan sa kanya ni Keith noon. Hindi niya inaasahang makikita ulit si Rhianne sa ganitong sitwasyon. Maagang dumating si Danica sa academy nang makatanggap siya ng tawag na may kinalaman sa kanyang anak. Bago niya mabuksan ang pinto ng clinic, narinig ni Danica ang kanilang mga boses sa loob. Narinig din niya ang mga sinabi ni Rhianne kay Keith. Alam ni Danica na insecure si Keith sa kanyang mga mata dahil sa bullying na naranasan niya noong bata pa siya. Sinubukan niyang kausapin si Keith tungkol dito, pero alam niya na ayaw ni Keith na mag-alala sila kaya hindi niya kailanman ibinahagi ang kanyang sariling mga problema sa kanila. Kaya hindi niya maipaliwanag kung gaano siya nagulat nang sinabi ni Keith ang kanyang mga iniisip kay Rhianne. Ang mas nakakagulat ay si Rhianne na nagalit at nakaramdam ng sama ng loob sa kanyang anak dahil sa mga salita nito. Mahal na mahal talaga ng dalawang batang ito ang isa't isa, lalo na ang kanyang anak. May pagka-snobish si Keith minsan, pero nakita ni Danica kung gaano siya kalambot kapag nakikitungo kay Rhianne. "Keith, hindi ko sinasabi na ikaw lang ang may mali dito. Pero dapat ka ring humingi ng tawad kay Rhianne." Tumingin si Keith sa kanyang ina bago tumango. Alam niya na galit si Rhianne sa kanya. Hindi inakala ni Keith na mapapaiyak niya si Rhianne dahil sa kanyang mga salita. Gusto talagang humingi ng sorry ni Keith, pero hindi niya alam kung paano. Hanggang sa makarating sila sa kanilang bahay, ang iniisip niya lang ay kung paano kakausapin at hihingi ng tawad sa kanyang kaibigan.