Kasalukuyan

Pananaw ni Damon "Nakakainis," bulong ko tapos binato ko 'yung cellphone na hawak ko. "Anong meron?" Tumingin ako sa katabi ko na nakatingin sa 'kin. Huminga ako nang malalim tapos sumandal ako sa upuan ko at nag-cross arms habang nakapikit. "Walang lumalabas sa google kung pa'no mamatay nang hindi nasasaktan," sabi ko. Narinig ko siyang umubo kaya tinignan ko siya na nasasakal sa iniinom niya. "Baliw ka na ba? Bakit gusto mong mamatay?" Tanong niya. Isang beses pa, narinig ko siyang nagdasal at nag-sorry sa kausap niya. Itong babae, hindi talaga mawawala 'yung ka-weird-an niya. "Wala ka na sa buhay ko," sabi ko tapos tumayo ako sa upuan ko at kinuha 'yung teleskopyo na katabi ko. "Baliw siya." Bulong niya tapos umiling-iling. Sumilip lang ako sa teleskopyo na hawak ko tapos tumingin sa mga mino-monitor namin. "Nakapagpa-check up ka na ba sa doktor?" Biglang tanong niya kaya natawa ako. Ibaba ko 'yung teleskopyo na hawak ko tapos tumingin ako sa kanya. "Nakapag-try ka na bang tumahimik at 'wag nang manghimasok sa mga bagay na wala namang kinalaman sa 'yo?" Tanong ko. Biglang natahimik siya at iniwas niya 'yung tingin niya. Natawa na lang ako tapos bumalik na ako sa ginagawa ko. "Ikaw pa lang 'yung nakilala kong gustong mamatay." Sabi niya kaya natigilan ako. "Tsaka, unang araw na nakita kita, akala ko kailangan mo ng tulong kaya tinulungan kita at pinigilan kita, pero hindi ko alam na gusto mo palang magpakamatay." Sabi niya. "May mga taong gustong humaba ang buhay nila at ma-explore 'yung mundo nang hindi man lang nabibigyan ng chance, may mga nakikipaglaban para mabuhay pero ikaw--" "Hindi ako sila, iba ako, iba sila," seryosong sabi ko tapos tinignan ko siya nang walang emosyon. "'Wag mo 'kong sermonan, 'wag mo 'kong sabihan kung ano 'yung gusto ko kung gusto mo 'kong tulungan," sabi ko kaya yumuko siya. "Uy Damon, nakikipag-away ka na naman ba kay Erelah?" Narinig ko 'yung tanong ni Gazer na papalapit sa direksyon namin kasi nasa Park kami ngayon at kaya kami nandito para gawin 'yung unang assignment naming dalawa ni Gazer, walang kaalam-alam si Erelah na nagawa naming dalhin siya dito dahil sa pakay namin, ang alam niya lang ay malalaman namin kung sino 'yung pumatay sa papa niya. Hindi ako sumagot at nagpatuloy lang sa ginagawa ko. Mga babae, kung makapagsermon akala mo mga nanay namin, nakakatawa, ayoko naman na ipaalam sa lahat 'yung mga desisyon ko sa buhay. Kung gusto kong mamatay, wala na siyang pakialam, hindi naman siya 'yung mamamatay. "Erelah, itong suicidal maniac, nakikipag-away na naman ba sa 'yo?" Narinig kong tanong ni Gazer. "Hindi naman, nag-uusap lang kami," sabi ni Erelah kaya humarap ako tapos ibinaba ko 'yung teleskopyo tapos tinignan ko silang dalawa. "Nakikipag-away ako sa kanya, bakit?" Tanong ko kay Gazer tapos binaba ko 'yung teleskopyo at kinuha 'yung maliit na bag na may lamang bomba lang. "Kahit kailan talaga, hindi ka gentleman, saan ka pupunta?" Tanong ni Gazer habang naglalakad ako sa likuran nila. "Sasabog sa galit," sabi ko habang hindi humaharap. Agad akong lumakad palayo sa kanila at ginawa 'yung ibinulong sa 'kin ng demonyo. (Ano, Damon, tapos ka na ba?) Nagulat ako nang marinig ko ulit 'yung boses ni Havacco, isa sa mga kasamahan namin, kanina pa siya nag-iingay at naririnig niya 'yung pinag-uusapan namin ni Erelah. May device na nakakabit sa 'kin para sa misyon naming dalawa ni Havacco, bukod sa misyon naming dalawa ni Gazer, may misyon din akong kailangang tapusin, binigyan ako ng apat na misyon, pagkatapos noon, pwede na akong umalis sa trabaho ko at gawin 'yung lahat ng gusto ko. "Pwede ba tumahimik ka muna? Papunta na 'ko sa target," Inis kong sabi. Narinig ko siyang tumawa na mas lalo pang nakakainis sa 'kin. Lumiko ako sa isang eskinita dito sa park tapos tumigil ako sa paglalakad. "Nakikita ko na sila," sabi ko tapos kinuha ko 'yung baril sa bag na dala ko. Agad kong binitawan 'yung bag at kinasa ko 'yung baril. (Unahin mo 'yung mataba, meron ka--) Hindi ko na natapos 'yung sasabihin niya nang agad kong pinagbabaril 'yung mga nasa harapan ko. (Putangina! Damon wala kang silencer?!) Hindi ko pinansin si Havacco na nagmumura, agad kong nilagyan ng bala 'yung baril ko tapos binaril ko ulit 'yung mahigit labinlimang tao sa harapan ko. Nagulat ako sa dugo na tumalsik sa mukha ko, natawa ako tapos tinignan ko 'yung mga huling lalaking nakatayo na humarap sa 'kin at binasa 'yung takot sa mukha. "Ikaw ba 'yung nagpabaril kay Mayor?" Tanong ko sa lalaking nasa harapan ko. Akmang kukunin niya 'yung baril niya nang agad ko siyang binaril sa kamay kaya nagpagulong-gulong siya sa sakit. "Bakit mo kinidnap at pinatay 'yung partner ko?" Tanong ko habang tumatawa. "Lumayo ka sa 'kin!" Sigaw niya habang lumalapit ako sa kanya. "Sino 'yung nag-utos sa 'yo?" Tanong ko habang papalapit ako sa kanya. "Lumayo ka sa 'kin!" Agad ko silang binaril sa kaliwang binti niya, lalo pa siyang nagpagulong-gulong sa sakit. Umupo ako sa harapan niya habang may ngiting demonyo sa labi ko. (Hoy Damon, tapusin mo na kasi darating na 'yung mga pulis.) Narinig kong sabi ni Havacco sa earphone na suot ko sa kaliwang tenga. "Draco 'yung pangalan ng nag-utos sa 'yo, 'di ba?" Tanong ko kaya nanlaki 'yung mata niya, tama 'yung hinala ko, mga tauhan sila ni Draco. "Naaawa ako sa 'yo, 'wag mo 'ko patayin." Natatakot niyang sabi kaya natawa ako. Tiningnan ko 'yung baril na hawak ko tapos tiningnan ko ulit siya. "Sige, pero sagutin mo muna 'yung tanong ko," sabi ko habang seryoso siyang tinitingnan. "Pa'no ba mamatay nang hindi nasasaktan?" Tanong ko habang nakakunot ang noo. (Damon ano?! 'Wag mong isisi 'yan sa pagiging suicidal mo, patayin mo na!) "H-hindi ko alam." Sagot niya kaya humagalpak ako ng tawa tapos itinutok ko 'yung baril sa kanya. "Masakit ba?" Tanong ko tapos binaril ko siya sa ulo. Nagulat ako sa dugo na tumalsik sa mukha ko. Natawa ako nang mahina habang tinitignan 'yung wala nang buhay na katawan niya. (Umalis ka na diyan, nasa Gazer Van na sila. Lumakad ka sa kaliwa.) Narinig kong sabi ni Havacco pero hindi ko siya pinakinggan. Umupo ako sa gilid at kumuha ng sigarilyo tapos sinindihan ko 'yun. (Hoy Daman ano?!) Inihipan ko 'yung sigarilyong hawak ko tapos tiningnan ko 'yung mga bangkay sa harapan ko. (Damon alis!) Tinanggal ko 'yung device na nakakabit sa 'kin tapos tinapakan ko 'yun at ibinagsak ko 'yun sa butas ng kanal kung saan may umaagos na tubig. Tiningnan ko 'yung baril na hawak ko tapos ngumiti ako at nilagay ko 'yun sa kaliwang braso ko at nagpaputok. "AHHHHHHH!" Ungol ko nang maramdaman ko 'yung bala na pumasok sa katawan ko. Agad kong itinapon 'yung baril ko sa kanal malapit sa 'kin kung saan itinapon ko rin 'yung device na nakakabit sa 'kin kanina. Pinikit ko 'yung mga mata ko tapos tiningnan ko 'yung mga dumating, 'yung mga pulis. "May sibilyan dito." Pinikit ko 'yung mata ko tapos tinignan ko 'yung pulis na lumapit sa 'kin. "Sir, darating na 'yung ambulansya. Kailangan mong kumalma," Sabi nito sa 'kin kaya tumango ako. "Kasama mo ba sila?" Tanong nito sa 'kin. Umiling ako at tumulo 'yung mga luha ko. "N-nadaan lang ako dito nang magsimula 'yung putukan," Natatakot kong sabi. Tumango 'yung pulis tapos tumingin sa mga kasama niya. "Negative, hindi niya kasama 'yung mga 'yun." Natawa ako sa isip ko habang pinanonood ko silang magkagulo.