Chapter 141: Return the Money
Ngayong araw na 'to, nag-dra-drawing si Juliana ng ending ng komiks nang bigla niyang narinig 'yung ingay sa baba.
"'Wag mo 'kong pigilan. Ako ang best friend ni Juliana. Papasukin mo 'ko!"
Narinig ni Juliana 'yung ingay, pumunta sa balkonahe, at tumingin sa baba.
Hinarang ng mga security guard si Lizzy sa labas ng gate, sinusubukang palayasin siya.
Tumingala si Lizzy at nakita si Juliana, kumakaway nang excited sa kanya, "Jill, sabihin mo sa kanila kaibigan mo 'ko at papasukin nila ako."
Tumango si Philip kay Juliana na parang nagso-sorry, "Ma'am Leach, paalisin ko na po siya."
'Yung huling beses na pinapasok niya si Zoe, nagalit 'yung young master at binawasan 'yung sahod niya ng isang buwan.
Sa pagkakataong 'to, hindi na talaga papapasukin ni Philip.
Hindi pinigilan ni Juliana si Philip.
Nakakapit si Lizzy sa kaliwa't kanan ng mga security guard at nagmadaling sumigaw, "Jill, nandito ako para isauli 'yung pera ngayon. Papasukin mo ako."
Narinig 'to ni Juliana at bahagyang tinaas ang kilay niya, "Isauli 'yung pera?"
Tumango nang mabilis si Lizzy, "Oo, oo, oo, nandito ako para bayaran 'yung pera."
Napabuntong-hininga si Juliana, "Isang libong dolyar?"
Si Lizzy, "Hindi, isang milyong dolyar!"
Tumingin si Juliana kay Lizzy, na nakahawak sa mga security guard, at nag-isip kung saan siya nakakuha ng isang milyong dolyar.
Sabi niya, "Philip, papasukin mo siya."
Sa pahintulot ni Juliana, sinabi ni Philip sa mga security guard na bitawan si Lizzy at binuksan ang pinto.
Inayos ni Lizzy ang damit niya at tinignan nang masama si Philip, "Sinabi ko sa'yo na mabuting kaibigan ako ni Juliana at ganyan mo pa rin ako tratuhin, mag-ingat ka baka matanggal ka sa trabaho."
Pagkatapos sabihin 'yun, pumasok siya sa pinto nang nakataas ang mga daliri sa paa.
Tumingin si Lizzy sa lugar at naisip na bawat brick at tile ay pera.
Sobra palang mayaman ang pamilya ni Leach.
Bukod pa r'un, pagkatapos makilala si Benson noong nakaraan, alam niya na si Benson ay gwapo lang at mayaman, hindi pangit at marahas at mamamatay-tao tulad ng mga tsismis.
Sana siya na lang si Mrs. Leach!
Naisip 'to ni Lizzy habang umaakyat siya para hanapin si Juliana.
Pagpasok niya sa kuwarto, nakita niya 'yung larawan ni Benson sa mesa, cool, noble, nagpapatibok ng puso sa unang tingin.
'Yun 'yung karisma ni Benson!
Napilitang iniiwas ni Lizzy ang tingin niya, pumunta sa balkonahe, at umupo sa tapat ni Juliana.
Sa pagkakataong 'to, nilabas niya ang kanyang bank card nang may sinseridad at inilagay ito sa harap ni Juliana, "Isang milyong dolyar. Ang password ay 'yung birthday mo."
Tiningnan siya ni Juliana, "Saan ka nakakuha ng ganung kalaking pera? Nakahanap ka na ba ng mayaman?"
Dati-rati, sobrang mahirap ang pamilya ni Lizzy at pareho silang manggagawa ang mga magulang niya. Mas mahal siya ng nanay niya kaysa sa kapatid niya, at mahilig magsugal ang tatay niya.
Bilang resulta, naghangad din ng pera si Lizzy pero wala siyang kakayahang kumita ng pera. Mahirap siya hanggang sa nakipagkaibigan siya kay Juliana.
Sinamaan ng tingin ni Lizzy si Juliana, "Jill, kung ganyan ka magsalita, maghihiwalay tayo ng pagkakaibigan."
Kalmadong sabi ni Juliana, "Talaga?"
Tumawa si Lizzy, "Alam kong nagbibiro ka at hindi ako galit sa'yo. Sa totoo lang, sorpresa 'to. Kinita ko 'yung pera mula sa live-streaming sales at ibinibigay ko lahat sa'yo."
Tumingin si Juliana sa kanya nang may pagdududa, "Live-streaming sales?"
Sa kanyang memorya, kahit na nagla-live streaming si Lizzy, wala man lang siyang 10,000 na followers.
Paano siya nakakuha ng isang milyong dolyar sa loob lang ng ilang araw?
Si Lizzy, "Oo, nagkataon lang, basta sikat na ako at may isang milyong followers na ako ngayon."
Sa totoo lang, nagkataon talaga na sumikat si Lizzy.
Ito ay dahil may nag-picture sa kanya na namumulot at nag-aayos ng basura sa airport at ipinost ito sa internet kaya naging 'pinakamagandang ragpicker' siya at biglang sumikat.
Kaya, sinamantala niya 'yung pagkakataon para kumita ng pera.
Pero ibinabalik niya kay Juliana 'yung pera para sa ibang layunin!