Kabanata 60: Kondisyon
Hindi na kayang itanggi ni Lola 'to, kasi nga, sobrang nagtiwala siya kay Suzanne dati, kaya nagkaganito si Juliana.
Tumango na rin si Lola sa wakas, pumayag na rin siya.
Si Benson, halos hindi mapakali sa sala. Sumusulyap-sulyap sa kusina, feeling niya may kiliti sa puso niya.
Sinilip na naman ni Benson at nakita ang laylayan ng damit ni Juliana, tapos dali-daling humarap sa TV at umayos ng upo.
Hindi nakaligtas sa paningin ni Lola 'yon, kaya nagbago rin ang tingin niya kay Benson.
Narinig ni Lola na bukod sa baliw daw si Benson, wala rin daw pakialam. Pero ngayon, para lang siyang normal na binata.
Nilapag ni Juliana ang mga prutas sa mesa at umupo sa tabi niya.
Umupo si Lola at tiningnan si Benson, "G. Leach, pumapayag ako sa kasal niyo, pero may isang kondisyon ako."
Umayos pa lalo ng upo si Benson, "Sabihin niyo po, please."
Malalim ang boses ni Lola, "G. Leach, narinig ko na hindi ka aabot ng bente-otso taong gulang, kaya ang hiling ko, payagan ng pamilya Leach na mag-asawang muli si Jill kung sakaling mamatay ka."
Pagkasabi nito, dagdag niya, "Syempre, hindi rin kailangan ni Jill ang ari-arian mo."
Mahal na mahal talaga ni Lola si Juliana kaya ginawa niya ang kahilingan niya kahit pa ang kaharap niya ay ang baliw na si Benson.
Natahimik saglit si Benson, tapos tumango, "Bilang Mrs. Leach, pwede niyang makuha ang ari-arian ko kapag namatay ako, at..."
Lumingon siya kay Juliana at pinikit ang mga mata niya, "Ayaw ni Jill na mamatay ako."
Juliana: ...
Gusto niya lang siyang i-detoxify. Paano naman niya gugustuhing mamatay siya?
Pumayag si Benson at lalong nasiyahan sa kanya si Lola, kasi nga, maganda ang itsura niya at mayaman pa ang pamilya.
Sa reputasyon ni Juliana ngayon, mahihirapan siyang makahanap ng mabait na lalaki.
Pero pangit din ang reputasyon ni Benson. Kaya, perfect match sila in a different sense.
Noong nakilala na ni Lola si Benson, mas madalas na siyang nakikipag-usap sa kanya at nakita niyang magalang at marami ring alam, hindi naman nakakatakot tulad ng mga tsismis.
Mas nakampante pa lalo ang isip niya.
Pagkatapos mag-usap, pinakiusapan ni Lola si Juliana na samahan si Benson na maglakad-lakad o magpahinga habang siya naman ay tutulong sa kusina.
Noong silang dalawa na lang, agad kumuha si Benson ng maliit na box sa bulsa niya at inabot kay Juliana.
Tinignan siya ni Juliana, "Ano 'to?"
Bakit siya nagpadala ng bulaklak at regalo?
Nilagay ni Benson ang maliit na box sa kamay niya, "Nasira ang phone mo, binilhan kita ng bago. Buksan mo."
Medyo nagulat si Juliana. Hindi niya inasahan na sineseryoso ni Benson yung nabanggit niya lang.
Bilang asawa niya, hindi balak ni Juliana na tumanggi sa kabaitan niya, dahil wala naman siyang balak na makipag-divorce.
Hinding hindi siya makikipag-divorce kahit pa mabalo siya.
Binuksan ni Juliana ang box at kinuha ang phone na sakto lang ang laki ng screen, at ito rin ang pinakasikat na brand ngayon.
Napanguso siya nang buksan niya ang phone at nakita ang kulay at estilo, at tinignan niya si Benson nang walang imik.
Kuminang ang mga mata ni Benson at tumingin siya sa kanya na parang naghihintay, "Kamusta? Nagustuhan mo ba?"
Tinignan ni Juliana ang dalawang salitang "Mrs. Leach" sa likod ng pink na phone at gusto sana niyang tumanggi, "Kung sasabihin kong hindi..."
Sinamaan siya ng tingin ni Benson, "Hmm?"
Napabuntong-hininga na lang si Juliana sa isip niya at binago na lang ang sinabi niya, "Nagustuhan ko."
Pinagsasabi ni Benson na subukan daw niya agad ang phone kung nasiyahan siya.
Sinubukan niya at nagulat siya dahil mas maganda pa sa mga phone na nasa merkado.
Itinaas niya ang ulo niya para kausapin si Benson nang makita niya ang katulong na palihim na lumabas, nagtataka kung ano ang gagawin niya.