Kabanata 237 Bumaba
Naisip ni Juliana na si Wendy talaga ang may pakana nito!
Tinawag niya si Wendy last time at siguradong galit na galit 'yon, pero hindi niya kayang kumilos mag-isa. Alam niyang hindi maganda ang samahan nila ni Selene at ng pamilya Lewis, kaya naman ginamit ni Wendy si Timothy para suportahan sina Selene at ang pamilya Lewis para pahirapan siya.
Ganito naghiganti si Wendy.
Kaso, mali ang tantya ni Wendy kay Selene, dahil hindi na bibigyan ni Juliana ng pansin ang tulad niya.
Pero 'yung isipin na ginagamit ni Wendy si Timothy, hindi pa rin komportable si Juliana, "Benson, pupunta muna ako sa hardin para magpahangin."
Nag-alalang tumingin sa kanya si Benson, "Samahan na kita."
"Hindi na, gusto kong mapag-isa. Uuwi na rin tayo in half an hour." Pumunta si Juliana sa hardin mag-isa pagkatapos sabihin 'yon.
Hindi siya sinundan ni Benson.
Walang gaanong tao sa party na 'to, pero lahat sila matatalino at alam nila ang mga nangyayari ngayong gabi.
Kita nila na pantay ang pamilya Leach at pamilya Greene at hindi sila natatakot sa isa't isa.
Napansin din nila na hindi lang hindi gusto ni Timothy si Juliana, mas gusto pa niya si Selene at ang pamilya Lewis.
Napabuntong-hininga pa nga si Billy sa isip niya na sobrang swerte ni Selene at ng pamilya Lewis dahil nakikisakay sila sa pamilya Greene!
Sa hardin.
Pumasok si Juliana sa hardin at natigilan nang makita niya ang mga dekorasyon nito.
Puno ng peonies ang hardin, at bawat isa ay namumukadkad sa hangin, napaka-dignified at elegante.
At sa gitna ng daan sa hardin ay may grape trellis na may mga baging, na puno ng kumpol ng berdeng ubas dahil panahon ng ubas.
Mayroon ding puting swing sa kaliwa, na nababalutan ng berdeng dahon.
Sa pagtingin dito, naalala ni Juliana ang isang komposisyon na isinulat niya noong elementarya pa siya.
Gusto niya ng villa na may hardin na puno ng paborito niyang peonies at grape trellis sa timog.
At pagkatapos ay pipitas siya ng kumpol ng ubas, uupo sa swing at kakainin 'yon at mag-eenjoy sa mga peonies tuwing summer.
Hindi na maalala ni Juliana ang mga detalye pero natatandaan niya na ito ang buhay na gusto niya.
Sa hindi inaasahang pagkakataon, pagkaraan ng ilang taon, nakita niya ang buhay na gusto niya sa ibang paraan.
Pumitas si Juliana ng kumpol ng ubas at umupo sa swing, bahagyang nag-uugoy habang nag-iisip ng isang bagay.
Paano niya sasabihin kay Timothy na pinatay siya ni Wendy?
Sa gitna ng kanyang pag-iisip, narinig ni Juliana ang malamig na boses ni Timothy, "Sinong nagbigay sa'yo ng permiso na mamitas ng ubas at umupo sa swing?"
Tumingala si Juliana at nakita si Timothy na naglalakad papalapit na nakasimangot ang mukha.
Para bang gusto siyang patayin.
Tumingin nang malamig si Timothy kay Juliana, "Bumaba ka diyan!"
Bumaba si Juliana sa swing at inabot ang kumpol ng ubas na nasa kamay niya.
Tinanong niya si Timothy, "G. Greene, narinig ko na ikakasal ka kay Wendy Johnson. Totoo ba 'yon?"
Sinagot siya ni Timothy nang walang emosyon, "Wala kang pakialam!"
Kinuha niya ang mga ubas at itinapon sa basurahan, pagkatapos ay naglabas ng panyo para punasan ang swing na inupuan ni Juliana.
Ito 'yung swing na gusto ni Miranda at walang ibang pwedeng umupo at dumingin 'yon.
Pinanood ni Juliana ang ginawa ni Timothy at sinabi, "G. Greene, akala ko patay na ang minamahal mo. Bakit ikakasal ka pa sa iba..."
Malamig na pinutol ni Timothy si Juliana, "Buhay pa siya, sa ibang paraan!"
Natigilan si Juliana, iniisip na alam ni Timothy na siya si Miranda.
Magsasalita na sana siya, pero narinig niya si Timothy na nagsabi nang malamig, "Mrs. Leach, kung hindi mo alam ang buong kwento, huwag kang humusga, at huwag kang makialam sa buhay ng ibang tao."
Itinaas ni Timothy ang kamay niya at itinuro ang labasan, at sinabing mas malamig pa ang boses niya, "Lumabas ka na dito. Hindi ka welcome dito!"
Tumingin si Juliana kay Timothy, nag-iisip kung sasabihin ba sa kanya na siya si Miranda.