Kabanata 21: Bugbugin Siya
Sabi ni Benson, "May punto si Juliana, ah."
Nanlaki ang mata ni Jermaine sa gulat at parang kamatayan na ang darating imbes na ginhawa.
Nagpatuloy si Benson, "Hindi man lang qualified si Selene na maging tagahawak ng sapatos ko. Ang basura, sa basurahan napupunta, 'di ba? Kami naman ni Juliana… baliw at loko-loka, perfect match."
Walang masabi si Juliana.
Paano niya nasabi 'yun?
Kahit na na-insulto ang anak niya, nakahinga ng maluwag si Jermaine at dali-daling sinabi, "Tama ka, G. Leach. Kaya, Selene..."
Mas malamig na sabi ni Benson, "Darating na ang mga ipinadala ko sa loob ng dalawampung minuto. Sabihan mo si Miss Selene Lewis na maghanda na."
Mas malamig na sabi ni Benson, "Darating na ang mga ipinadala ko sa loob ng dalawampung minuto. Sabihan mo si Miss Selene Lewis na maghanda na."
Kinabahan si Jermaine, "G. Leach..."
Binaba ni Benson ang tawag at natapos na ang usapan.
Hindi na mapag-uusapan 'tong bagay na 'to.
Gulat at takot na tumingin si Selene kay Suzanne at hinampas-hampas ang paa sa sobrang kaba nang walang sinabi si Suzanne.
Si Juliana, na naglalaro ng phone niya, nakatingin sa kanila na nakangiti, "Congrats, natupad na ang wish ni Selene na maging unang ginang sa F City."
Kinagat ni Selene ang labi niya: "Jill, pwede akong magpakasal kay Benson para sa 'yo, pero engaged na kami ni Jayden, kaya...hindi ba si G. Leach ang magiging pangatlong lalaki? Hindi maganda sa reputasyon niya, 'di ba?"
Agad ding sinabi ni Suzanne, "Oo nga, Bukod pa roon, Jill, magkasama na kayo ni Benson kagabi. Paano naman ang isang lalaki na magiging karelasyon ang dalawang magkapatid sunod-sunod?"
Juliana: "May problema ba sa utak niyo para pag-usapan ang reputasyon sa isang baliw?"
Pagkatapos no'n, tumingin siya kay Jayden: "Mr. Hodges, si Selene ang nag-propose nito. Kung kaya mong ilayo siya sa pamilya Leach, puntahan mo sila, hindi ako."
Sinamaan siya ng tingin ni Jayden, "Kung hindi mo pinilit si Selene, paano siya papayag?"
Hindi niya kayang harapin ang pamilya Leach, kaya si Juliana na lang ang sinisisi niya.
Lalong sumimangot ang mukha ni Jermaine habang direktang inutusan si Juliana, "Sabihin mo kay Benson na mahal na mahal mo siya kaya ayaw mong pumalit si Selene at ang lahat ng sinabi mo ay biro lang."
Kung sasabihin lang ni Juliana na biro lang ang lahat, may pag-asa pang magkaayos.
Hinding-hindi niya hahayaan si Selene, ang kanyang baby girl, na pakasalan ang baliw na si Benson at ipadala sa kamatayan.
Sinabi ni Juliana, malungkot ang mukha niya, "Sasabihin ko, kung mag-po-post ka ng tweet tungkol sa kahit tatlong maduruming bagay na ginawa mo sa akin, kung hindi, wala na."
Mga hipokrito sina Suzanne at Selene. Ang dating Juliana, nagpapaloko, pero hindi na siya magpapaloko ngayon at unti-unti niyang tatanggalin ang kanilang mga maskara ng pagpapanggap.
Sumigaw si Jermaine sa galit, "Kung ayaw mong sabihin, lumayas ka dito! Wala akong anak na katulad mo!"
Walang pakialam na sinabi ni Juliana, "Ayoko rin ng tatay na katulad mo."
Noong si Miranda pa siya, siya ang munting prinsesa ng pamilya at itinuring siya ng kanyang ama na isang kayamanan.
Kung hindi siya muling isinilang bilang Juliana, hindi niya malalaman na may mga ganitong uri ng ama sa mundo na walang pagmamahal.
Dahil nagkaroon siya ng pinakamagandang ama kaya niya kinamumuhian, kinasusuklaman, at kinaiinisan si Jermaine.
Nang makita si Juliana na paakyat na sa itaas, nagalit si Jermaine at nawalan ng isip, "Paano mo nagawang ipadala sa kamatayan ang kapatid mo? Papatayin kita ngayon, napakasama mong babae!"
Pagkatapos sabihin 'yun, kinuha niya ang basong pitsel sa mesa at ibinato sa likod ng ulo ni Juliana.
Kahit nakatalikod si Juliana, naramdaman niya ang biglang pagbabago sa hangin, mabilis na lumingon, at malakas na sumipa gamit ang kanyang mahabang binti.
Natumba si Jermaine...