Kabanata 98: Selos
Sa sala, si Lolo Leach, pinanood 'yung dalawa na pumasok na magkahawak-kamay at nakangiti pa si Benson.
Natuwa si Lolo Leach dahil doon.
Si Benson kasi, hindi masyadong nakangiti dahil sa sakit niya, at kahit minsan ngumingiti siya, hindi naman galing sa puso.
Ngayon, pati mata niya ngumingiti na rin at hinayaan niya si Juliana na hawakan kamay niya, ibig sabihin, maganda ang senyales.
Nakita rin ni Lolo Leach na 'yung manipis na labi ni Benson, na dati maputla, ngayon pula, makintab, at medyo namamaga.
Bilang isang lalaki na dumaan na sa lahat, alam niya kung ano ang ibig sabihin noon.
Kaya, tiningnan niya si Juliana na nakangiti.
Biglang namula si Juliana. Dali-dali niyang binitawan ang kamay ni Benson at umupo sa tabi ni Lola.
Lalong ngumiti si Lolo Leach, tapos tiningnan ng masama si Benson at bumulong, "May bisita tayo dito. Hinay-hinay lang."
Pinanood ni Lola 'yung nangyari sa kanilang dalawa at natuwa para kay Juliana.
Maging maganda sana ang relasyon ng bagong kasal na magkalapit.
Mabuti rin kung magkaanak si Juliana para tuluyang magbago kahit pansamantala lang ang mga pagbabago niya ngayon.
'Yun ang iniisip ni Lola.
Maya-maya, pumasok din sina Jayden at Selene at mukhang hindi maganda ang pakiramdam nilang dalawa.
Galit na galit pa rin si Jayden, habang si Selene kinakagat 'yung labi niya na parang nasasaktan, at namumula ang mata.
Hindi na kailangan pang magtanong, alam ng lahat na nag-away sila.
Tuwang-tuwa si Juliana no'ng hindi masaya 'yung dalawa at mas madami siyang kinain no'ng lunch.
Pagkatapos kumain, hindi na kaya ni Lola na manatili pa roon, kaya dinala niya sina Selene at Jayden.
Sa bahay ng iba, sina Selene at Jayden, nag-salita ng kakaiba, tapos nakitambay pa para mag-lunch, at nag-away pa at naka-simangot.
Lahat ng ginawa nila ay nakakahiya kay Lola at nagalit siya kay Selene.
Dati, mahal ni Lola si Juliana dahil nawalan ito ng nanay.
Mahal niya si Selene dahil mabait itong bata, na naging ipinagmamalaki niya.
Pero, sinampal ni Selene si Lola sa mukha. Hindi lang galit si Lola, kundi medyo nandidiri na rin siya.
Pag-uwi nila, pinalo ni Lola si Selene at pinapunta sa third floor para lumuhod.
Lumuhod si Selene sa harap ng larawan ni Lolo, iniisip 'yung lahat ng nangyari ngayon, at lalo pang kinamuhian si Juliana.
Inasahan niyang makikita si Juliana na pinapalo ni Benson at hindi na makakabangon, pero nakita niya silang nagmamahalan.
Naiintindihan pa siya ng mali ni Jayden at nag-away pa sila.
Hinimas ni Selene 'yung masakit niyang tuhod, nagniningas ang mga mata, "Juliana, hintayin mo lang!"
...
Sa kabilang banda, medyo galit si Juliana at nagpasya siyang kailangan niyang kausapin ng maayos si Benson.
Nasa study room niya si Benson, nagtatrabaho.
Umupo sa harap niya si Juliana at sinabi niya ng seryoso, "Benson."
Sumimangot si Benson sa kanya, "Mrs. Leach, tawagin mo akong honey."
Ulit ni Juliana, "Benson..."
Tumingala si Benson sa kanya na may seryosong tingin, "Hmm?"
Parang hindi matutuloy 'yung pag-uusap hanggang sa binago ni Juliana 'yung mga salita niya.
Bumuntong-hininga si Juliana sa isip niya at sinabi, "G. Leach, pwede ka bang magtiwala pa sa akin sa hinaharap? 'Wag kang magagalit kapag nakikita mong may lalaking lumalapit sa akin."
Nagalit siya noong aksidente niyang nakasalubong si Jayden sa hagdanan.
Kung hindi siya nagpakalma agad, magkakaroon ulit siya ng atake, naniniwala siya doon.
Tumingin sa kanya si Benson na seryoso ang mukha, "Pwedeng magkasama ang selos at tiwala."